Davlat tibbiy sugʼurtasidan fuqarolar qanday foydalansa boʼladi?

✔️Oddiy qilib aytadigan boʼlsak, tibbiy sugʼurta “maʼlum bir mablagʼ evaziga seni saqlaymiz (davolaymiz), kafolatlangan tibbiy xizmat koʼrsatamiz”, degan maʼnoda tushuniladi.

✔️Yurtimizda joriy etilayotgan davlat tibbiy sugʼurtasi tizimida aholi davlat tibbiy sugʼurtasi uchun badal puli toʼlamaydi, yaʼni chiqimdor boʼlmaydi. Аksincha, aholi salomatligi davlat hisobidan sugʼurtalanadi. Bunda davlat tibbiy yordam olish qoidalarini belgilaydi va har bir bosqichda kafolatlangan hajmdagi tibbiy xizmatni bepulligini kafolatlaydi.

✔️Davlat tibbiy sugʼurtasi tizimidan foydalanishi uchun aholi birlamchi tibbiy-sanitariya yordam muassasalariga biriktiriladi. Bunda birlamchi murojaatni ular pasport yoki boshqa shaxsni tasdiqlovchi hujjat bilan amalga oshiradi.

DTSJ Matbuot va PR xizmati