Davlat tibbiy sug‘urtasi jamg‘armasida Jahon sog‘liqni saqlash tashkiloti vakillari bilan uchrashuv bo‘lib o‘tdi

Unda davlat tibbiy sug‘urtasi mexanizmlarini hududlarda joriy etishda birlamchi tibbiy-sanitariya yordami tomonidan amalga oshirilishi rejalashtirilgan masalalar keng muhokama qilindi.

Birlamchi tibbiy-sanitariya yordami muassasalarini moliyalashtirish hamda raqamlashtirish jarayonlari borishiga alohida to‘xtab o‘tildi. Shuningdek, uchrashuv davomida aholini ko‘rikdan o‘tkazishni yanada soddalashtirish hamda sifatini oshirish maqsadida elektron navbat tizimini takomillashtirish borasida ham kelishib olindi. Tibbiyot xodimlarining kasb salohiyatini oshirish va buning uchun muntazam o‘quv seminar-treninglar o‘tkazish masalalari ham ko‘rib chiqildi.

Davlat tibbiy sug’urtasi jamg’armasi
Matbuot xizmati.